Brand         ANNA SE STORIE    WORD 'N AGENT    ONS SKRYWERS    ARTIKELS    BOEKKLUB    GRATIS    KONTAK AGENTE LOGIN
  Ek het nog nie 'n agent nie
Lys die produkte wat jy wil bestel
Stuur bestelling aan agent

Resensie van DIE GREYSON-PROBLEEM VOLGENS ESTE ERASMUS (BOEK DRIE)


deur Louise Viljoen


Die derde en laaste boek in Anna Emm se opwindende Greyson-trilogie, DIE GREYSON-PROBLEEM VOLGENS ESTE ERASMUS, stel beslis nie teleur nie. Die skrywer kn haar unieke mensch-karakters en vertel hulle verhaal op n boeiende manier wat die leser nie toelaat om die boek vir een oomblik neer te sit nie jy is net t nuuskierig om te weet wat volgende gaan gebeur. Die lekkerte van hierdie boek l ook daarin dat al die los draadjies van die vorige twee boeke hier meesterlik vasgeknoop word. Jy kan nie help om n behaaglike sug te gee nadat jy die laaste paragraaf gelees het nie, want jy neem baie traag afskeid van die Greysons en die vroue vir wie hulle lief is.

Charlie Greyson, die jongste van die skatryk Greyson-broers, is in baie groot moeilikheid. Hy word in sy persoonlike hoedanigheid gedagvaar vir miljoene nadat hy met n bekende sakeman se gholfkarretjie gepeuter het en di in n dam beland het. Hierdie keer sit die formidabele Fiona, die drie boeties se aanneem-ma, haar voet neer. Charlie, die alewige grapmaker, sal hierdie keer self sy kastaiings uit die vuur moet krap. Die Greyson-sakeryk se reputasie is immers op die spel en hulle kan nie die slegte publisiteit bekostig nie. Dis hoog tyd dat Charlie verantwoordelikheid aanvaar vir sy roekelose, onvolwasse optrede.

Charlie het n indrukwekkende brein en funksioneer goed onder druk. Hy is n uitstekende debatteerder en kan homself uit enige situasie uit praat. Hy het egter geen keuse as om sy ma se voorwaarde te aanvaar dat die prokureur, Este Erasmus, sy saak hanteer nie. Este die Greysons se bure se langvlegsel dogtertjie wat sedert sy agt is Charlie se lewe hel gemaak het met haar ooglopende verliefdheid op hom. Este die doring in Charlie se vlees, sy nemesis.

Este keer as Hugo Martini se verloofde vanuit Johannesburg na Kaapstad terug. Sy het gedurende die ses jaar wat sy weg was, n volledige metamorfose ondergaan. Nie net het sy haarself as prokureur bekwaam nie, maar sy het ook verskeie ander opknappingskursusse agter die rug. Sy bak en brou en kook soos n kenner. Sy het honderde boeke gelees en het na films en kunsuitstallings gegaan. Sy het selfs by n gim aangesluit om die beste van haar voorkoms te maak. Die vaal ou Este is weg en in haar plek is n beeldskone vrou wat manne se koppe laat draai wanneer sy buk om iets op te tel. n Vrou wat haar naels geel verf.

Charlie moet teen sy sin erken Este Erasmus het flippen mooi geword ... Sy het daardie sagte innocence wat mal mense het, daardie amper onnatuurlike aantrekkingskrag. Hy reken haar kop raas, al is sy h mooi en sexy. Wanneer sy n betaalmasjien in sy teenwoordigheid aanrand en hm boonop afpers vir n groot bedrag geld, is hy oortuig dat Este gevaarlik is. Boonop is hy huiwerig om van die oats-koekies te eet wat sy vir hom present gee, want dalk het Este arseen of iets daarin gesit. Die dagvaarding teen hom is nou in ml Este Erasmus se hande. Vir die eerste keer in sy lewe is Charlie Greyson nie in beheer van n situasie nie.

Dis interessant hoe Anna Emm vir Charlie deur Fiona se o voorstel as iemand wat besondere fyn waarnemingsvermo het. Tog is Este vir hom n enigma. Hy kan haar nie peil en deur haar sien soos hy met ander mense doen nie. Hy erken aan Este: Jy is soos een van daardie puzzles wat net aangaan en aangaan. Nes mens n ding uitge-figure het, reveal dit n nuwe raaisel. Ten spyte van wat hy van Este dink, voel hy dat haar verlowing met Hugo Martini n fout is. Mal soos sy is, sy verdien beter.

Este het grootgeword in n liefdelose rykmanshuis waar haar ouers status en aansien najaag. Sy kon veral nooit iets regdoen in haar ma se o nie. Di was altyd bang dat Este hulle in die skande sou steek. Sy het heeltyd aan Este voorgeskryf hoe sy haar hare moet dra en vasmaak. Selfs nou dat Este n volwasse vrou is, probeer sy haar lewe rel om te verseker dat Este in hr raamwerk inpas. Este is egter nie meer die dogtertjie wat onder haar ma se duim moes leef nie. Sy wil haar hare los dra. Sy wil die ren hoor en voel. Sy het n plan en Charlie Greyson gaan haar help om haar grootste droom te laat waar word, al moet sy die kriminerende bewys van sy kriminele daad teen hom gebruik en hom afpers.

Aanneming staan as sentrale tema in die Greyson-reeks. Nie net neem Fiona en Max Greyson vir Paul, Neil en Charlie aan nadat hulle ouers in n ongeluk sterf nie, maar Paul neem ook Nikita se seuntjie as sy eie aan. In al drie boeke verseker Fiona haar seuns van haar liefde en aanvaarding. Neil en Paul onthou nog grepies uit hulle verlede saam met hul biologiese ouers. Charlie was maar nege maande oud toe hulle ouers dood is en hy kan hul nie meer onthou nie. Hy ken net sy lewe as n Greyson. Tog voel hy met tye n gemis, asof hy nie regtig weet wie en wat hy is en waar hy inpas nie. Este s reguit vir hom dat hy skuldig voel oor wie hy is. Dn die deurbraak wanneer hy saam met Este is, wil-wil sekere dinge vir hom bekend voorkom, soos haar parfuum en die smaak van die oats-koekies wat sy bak. Sy laat hom voel asof hy kan onthou wie hy is, wie hy wil wees.

Este het vir jare lank sielkundige behandeling ondergaan en het onder meer geleer om as n hanteringsmeganisme resepte in haar gedagtes op te s om sodoende haar aandag van stresvolle gebeure af te lei en haar te help fokus. Wanneer sy bak, voel dit vir haar asof ek sin en purpose in hierdie lewe het. Asof ek nie net die ou vaal Este Erasmus is nie. As stil, skaam dogtertjie was sy voortdurend bewus daarvan dat niemand haar liefhet en regtig wou h vir wie en wat sy is nie. Dis dalk hoekom sy t reeds obsessief aangetrokke gevoel het tot Charlie wat die middelpunt van sy gesin se bestaan was. Hy was alles wat sy nie kon wees nie. Geliefd en bemind. Nou is sy en Charlie volwassenes en hy is die een saam met wie sy die ren kan hoor. Die een wat die knippies uit haar hare haal sodat dit los en vry oor haar skouers val.

Wanneer Charlie oplaas besef dat Este hy die res van sy lewe saam met Este wil deurbring, want Dis net j, elke liewe stukkie van jou, wat ek crave, s sy dan ook vir hom: Ek dink ek was nog altyd joune.

Ek het baie lekker gelees aan Anna Emm se DIE GREYSON-PROBLEEM VOLGENS ESTE ERASMUS. As ek een wens kan h, sal dit wees dat die weduwee Fiona, die matriarg van die Greyson-familie, ook weer liefde sal vind. Miskien kan Anna Emm oorweeg om n liefdesverhaal te skryf met Fiona as die heldin? Sy verdien n man in haar lewe nadat sy gesorg het dat al drie haar seuns die liefde van hulle lewens kry en trou.